EKAPetik Eskola kirola bultzatu nahi dugu:

1. Kirol begiraleei lan tresna bat eskuragarri ipiniaz: EKAP WEB & APP

Haurren hezkuntza integrala lortzeko formazio fisikoa ardatz hartuta, saskibaloia, eskubaloia eta futbola lantzeko ariketak sortu ditugu. Helburua begiraleentzat lan tresna bat izatea da eta jomuga hortara heltzeko, ariketa bakoitza testu, grafiko eta bideo batez azalduak daude eta modu errazean eskuragarri ipini dira: webgune honetan zein EKAP smartphone-aplikazioan.
Modu hauetara eskura ditzakezu ariketak:

2. Begirale, guraso eta haurrei formazio saioak eskainiaz: EKAP IKASTAROAK

r79290_1391522594322

Begiraleen formakuntza

EKAP web eta APP-a lan tresna moduan erabiltzeko formazioa. Webgune honetan zein EKAP aplikazioan eskuragarri dauden ariketei etekina ateratzeko, bi orduko hiru saio burutuko genituzke.

Lehenengo saioa
Aplikazioa azaldu eta entrenamenduak izan beharreko antolaketa orokorra landuko dugu. Urteko plangintzaren diseinurako zein helburuen formulazioetarako gako orokorrak emango dizkiegu.
Bigarrengo saioa
Teoriko-praktikoa izango da; Atal teorikoan haurraren garapenaren ezaugarriak eta oinarri pedagogikoak azalduko ditugu. Atal praktikoan berriz, jolasaren eta kirolaren arteko harremana era praktikoan landuko dugu.
Hirugarrengo saioa
Teoriko-praktikoa izango da; Begiraleak taldeka saioak prestatu beharko dituzte eta ondoren entrenatzaile gisa arituko dira talde osoarekin. Hemen euren jarrera, estrategiak erabiltzeko gaitasuna eta saioaren zein denboraren kudeaketaren balorazio bat egingo dugu.
Prezioa: 120 € (+ kilometrajea)

r79291_20130928_101756

Gurasoentzako hitzaldia

Eskola kirolaren partaide diren heinean eta bertan eragiten dutenez, gurasoentzako bi orduko formazio saio bat eskaintzen dugu. Landuko ditugun eduki nagusiak hauek dira: Eskola kirolaren garrantzia haurraren garapenean, haurrak dituzten kirol aukerak eta eskola kirolean gurasoek duten rola izango da. Bestalde EKAPen dekalogoa ere aurkeztuko zaie.

Prezioa: 40 € (+ kilometrajea)

r79291_20130928_102035

Haurren sentsibilizazioa

Haurreri estola kirolak duen garrantzia helarazi nahi diogu. Eskola kirola zer den eta kirola egiteak dituen onurak azalduko zaizkie era dinamiko batean, ordubeteko saioaren bitartez.

Saioak gelaka emango dira (20-25 umeko taldeei).

Prezioa: 20 € (+ kilometrajea)

Jar zaitez EKAPekin harremanetan formazio saioetako baten eskaera burutzeko:

Telefonoa: 615762647
Emaila: eskolakirolaap@gmail.com

Ezagutu EKAP LAN TALDEA